कासिन न्यूज,
काठमाडौैं ।
इंग्लिस प्रिमियर लिग अन्तर्गत साविक विजेता म्यानचेस्टर सिटीले एस्टन भिल्लाको मैदानमा हार बेहोरेको छ । भिल्लाले १–० को जित दर्ता गरेको हो ।
खेलको ७४ औं मिनेटमा लिओन बेलीले गरेको गोल नै खेलमा निर्णायक सावित भयो । उनले पेनाल्टी क्षेत्र बाहिरबाट गरेको प्रहार डिफेन्डर रुवेन डियासलाई लाग्दै गोल भएको थियो ।
पछिल्लो खेलमा टोटेनहम हट्सपरसँग बराबरीमा रोकिएको सिटी लगातार दोस्रो खेलमा जित निकाल्न नसक्दा अंक तालिकाको चौथो स्थानमा खसेको छ । सिटीको १५ खेलमा ३० अंक छ ।
भिल्लाले भने १५ खेलमा ३२ अंक जोड्दै तेस्रो स्थानमा छलाङ मारेको छ । शीर्षस्थानको आर्सनलको ३६ र लिभरपुलको ३४ अंक छ ।