कासिन न्यूज,
काठमाडौं ।
समाजमा व्याप्त घरेलु हिंसा तथा महिला हिंसालाई समेट्दै नेपाली समाजमा नारीहरूले भोग्दै आएको कथा– व्यथामा आधारित नयाँ टेलिश्रृंखला ‘सिन्दुर पोते’ दर्शकमाझ आउन तयार भएको छ ।
राजबहादुर सानेको लेखन तथा निर्देशनमा बनेको यो श्रृंखलामा किशोर खतिवडा, काजल भुजेल, जानुका बिके, सपना श्रेष्ठ, कृष्ण खड्का, शुभम गौतम, मोहन भण्डारी, श्रद्धा कँडेल, एकराज थापा, करिश्मा खतिवडा, नविन घिमिरे, दुर्गेश थापा, अनिता श्रेष्ठ, सुशील थापा, धर्मराज फुँयाल, शुशिला फुँयाल, डेन्जर दादा, सीता कार्की तथा टुपीको अभिनय छ ।
समाजमा व्याप्त घरेलु हिंसा तथा महिला हिंसालाई समेत चित्रण गरिएको यो श्रृंखलामा पूर्ण स्वायोगको पार्श्व संगीत र सबटाइटल, वीरेन्द्र परियारको छायांकन, चेतन सामतको सम्पादन, कलर तथा लोगो, देव कुमार महर्जनको एक्सन, विशाल बराल र रतन नेपालीको सह–निर्देशन, देवकुमार महर्जनको एक्सन छ । कृष्णबहादुर भट्टराई तथा काजल भुजेलले श्रृंखला निर्माण गरेका हुन् । कृया टिभिको यूट्युब च्यानलबाट हरेक शनिबार बेलुका ५ बजेदेखि सार्वजनिक हुने बताइएको छ ।