कासिन न्यूज,
काठमाडौं ।

त्रिपुरेश्वरस्थित दशरथ रंगशालामा जारी एफसी नेपाल सुपर लिग (एनएसएल)मा अपराजित धनगढी शीर्ष स्थानमा उक्लिएको छ । बिहिबार भएको खेलमा चितवनलाई १–० गोल अन्तरले हराउँदै धनगढी शीर्ष स्थानमा उक्लिएको हो ।

धनगढीलाई जित दिलाउन ओलावाले अफिजले निर्णायक गोल गरे । चितवनका विमल धर्तीमगरले पेनाल्टी मिस गर्दा खेल बराबरी गर्न चुके ।

बिहिबारको जितसँगै धनगढी तालिकाको शीर्ष स्थानमा उक्लेको छ । धनगढीको ५ खेलबाट ११ अंक छ । दोस्रो स्थानमा रहेको ललितपुर सिटीको ५ खेलबाट ९ अंक छ । पराजित चितवन पुछारबाट दोस्रो स्थानमा छ ।