कासिन न्यूज,
काठमाडौं ।
इंग्लिस प्रिमियर लिगमा शनिबार चेल्सीले सेफिल्ड युनाइटेड विरुद्ध २–० को जित निकालेको हो । चेल्सीको जितमा कोल पाल्मर र निकोलस ज्याक्सनले गोल गरेका हुन् ।
पछिल्लो ४ खेलमा ३ हार बेहोरेको चेल्सी यस खेल अगाडि १३औं स्थानमा थियो । टोलीमा नयाँ व्यवस्थापन आएदेखि धेरै खेलाडी भित्र्याएको चेल्सीले यस सिजन सोचेअनुरुप प्रदर्शन गर्न सकेको छैन ।
शनिबार खेलको पहिलो हाफमा चेल्सीले मौका सिर्जना गरेपनि गोल भने गर्न सकेको थिएन । तर दोस्रो हाफको सुरुवाती समयमा दुई गोल गरेपछि चेल्सीले खेलमा राम्रो पकड बनाएको थियो ।
सुरुवाती गोल पाल्मरले गरे । ५४औं मिनेटमा रहिम स्टरलिङ्गले दिएको क्रसमा गोल गर्दै पाल्मरले खेलमा चेल्सीलाई अग्रता दिलाएका थिए ।
६१औं मिनेटमा ज्याक्सनले दोस्रो गोल गर्दै चेल्सीलाई सहज अवस्थामा पुर्याएका थिए । पाल्मरको क्रसमा गोलपोस्टको नजिकबाट गोल गर्दै ज्याक्सनले चेल्सीको जित सुनिश्चित गरेका थिए । जितपछि चेल्सी १० खेलमा २२ अंक बटुल्दै १०औं स्थानमा उक्लिएको छ । सेफिल्ड भने १७ खेलमा ८ अंकका साथ पुछारमा छ ।
एजेन्सी