कासिन न्यूज,
काठमाडौं ।

त्रिपुरेश्वरमा रहेको दशरथ रङ्गशालामा जारी नेपाल सुपर लिग (एनएसएल) मा सोमबार धनगढी एफसी र काठमाण्डौ रेजर्स खेल्दैछन् । खेल बेलुका ६ बजे शुरु हुने छ ।

धनगढी ५ खेलबाट ११ अङ्कसहित शीर्ष स्थानमा रहेको छ । गएको संस्करणको च्याम्पियन काठमाण्डौ ५ खेलबाट ८ अङ्ककासाथ चौथो स्थानमा छ । सोमबारको खेल जितेमा धनगढीले शीर्ष स्थानमा तीन अङ्कको अग्रता बनाउने छ । काठमाण्डौले जितेमा शीर्ष स्थानको धनगढीसँग अङ्क बराबरी गर्नेछ ।

रङ्गशालामा त्रिभुवन विश्वविद्यालयको दीक्षान्त समारोह हुने भएकाले आइतबारको खेल सोमबार बेलुका ६ बजेलाई सारिएको हो । यस्तै, सोमबार बेलुका पाँच बजे हुने भनिएको स्पोर्टिङ इलाम र ललितपुर सिटीबीचको खेल भोलि दिउँसो एक बजेका लागि सारिएको छ । मंगलबार दुई वटा खेल हुनेछन् ।