कासिन न्यूज,
काठमाडौं ।
म्यानचेस्टर सिटीले प्रिमियर लिगमा बुधबार एभर्टनमाथि ३–१ को पुनरागमन जित निकालेको छ। गुडिसन पार्कमा फिल फोडेन, जुलियन अल्वारेज र बेर्नार्डो सिल्भाको गोलमा जित हासिल गरेपछि सिटी लिग अंक तालिकाको शीर्ष चारमा फर्केको छ । एक खेल कम खेलेको सिटीको शीर्ष स्थानको लिभरपुलको भन्दा ५ अंक कम छ ।
फिफा क्लब विश्वकपको उपाधि जितेर फर्केपछि पहिलो खेल खेल्ने क्रममा सिटी पहिलो हाफमा १–० ले पछाडि परेको थियो। २९ औं मिनेटमा ज्याक ह्यारिसले पूर्व क्लब विरुद्ध गोल गर्दै एभर्टनलाई अग्रता दिलाए थिए।
दोस्रो हाफको सुरुवातमै ह्यारिस दोस्रो गोलको नजिक पुगेका थिए। तर उनको प्रहार सिटीका गोलकिपर एडेरसनले रोकेका थिए। ५३ औं मिनेटमा फोडेनको गोलबाट सिटी खेल फर्केको थियो।
त्यसको ११ मिनेटपछि प्राप्त पेनाल्टीलाई अल्वारेजले गोल गर्दै सिटीको गोल अन्तरलाई दोब्बर बनाएका थिए। नाथन एकेको प्रहारमा आएको बललाई एमाडोउ ओनानाले पाखुराले रोकेपछि साविक विजेताले पेनाल्टी पाएको थियो।
खेल सकिन ४ मिनेट बाँकी रहँदा सिल्भाले गोल गरेपछि सिटीको जित सहज बनेको थियो। इन्ज्युरी समयमा फोडेनको प्रहार पोस्टमा लागेको थियो। जितपछि सिटीको ३७ अंक पुगेको छ। १६ अंक सहित एभर्टनको १७ अंक छ।
एजेन्सी