कासिन न्यूज,
काठमाडौं ।

शेयर बजार बुधबार सामान्य बढेको छ । शेयर बजार परिसूचक नेप्से बुधबार चार दशमलव ९२ अङ्कले बढेर दुई हजार ९० दशमलव ६४ विन्दुमा पुगेको छ । बुधबार फाइनान्स, उत्पादन तथा प्रशोधन, माइक्रोफाइनान्स, निर्जीवन बीमा, अन्य र व्यापार बाहेक अरू समूहको शेयर बढेकोमा जीवन बीमा, होटल तथा पर्यटन समूहको शेयर उच्च अङ्कले उकालो लागेको छ ।

आज गुराँस लघुवित्त, समाज लघुवित्त, बुद्धभूमि नेपाल हाइड्रोपावर, इस्टर्न हाइड्रोपावर र एसियन हाइड्रोपावर कम्पनीको शेयर १० प्रतिशतले बढेको छ । समग्रमा बजार बढेको दिन एनसीसी डिबेन्चर २०८६ को शेयर पाँच प्रतिशतभन्दा धेरैले घटेको छ ।

बुधबार ७७ लाख ३२ हजार कित्ता शेयर दुई अर्ब ८४ करोड २५ लाख रुपैयाँमा कारोबार भएको छ ।