कासिन न्यूज,
काठमाडौं ।

देशभरकै मौसम बदली भएर वर्षा र हिमपात भएको छ । काठमाण्डौ, ललितपुर र भक्तपुरमा मेघगर्जन सहित भारी वर्षा भएको छ । बाग्मती, लुम्बिनी, गण्डकी, कर्णाली र सूदुरपश्चिमका हिमाली क्षेत्रमा हिमपात भइरहेको जल तथा मौसम पूर्वानुमान महाशाखाले जनाएको छ ।

अरु ठाउँमा पनि छिटपुट वर्षा भएको महाशाखाले जनाएको छ । देशको पूर्वी भागमा राति हल्का वर्षाको सम्भावना छ । महाशाखाका मौसमविद् शान्ति कँडेलका अनुसार शुक्रबारदेखि देशको पश्चिम क्षेत्रबाट मौसम क्रमिक रुपमा सुधार हुदै जानेछ ।

चिसो बढेकाले स्वास्थ्य सतर्कता अपनाउन पनि आग्रह गरिएको छ । मौसम प्रतिकूल हुँदा दिउँसो काठमाडौँबाट हुने अन्तर्राष्ट्रिय उडानहरु पनि प्रभावित भएका छन् । विमानस्थलका प्रवक्ता सुवास झाका अनुसार आन्तरिक उडानतर्फ भने सामान्य अवरोध छ ।