कासिनन्यूज,
काठमाडौं ।

सनराईजर्स हैदराबाद जारी इंडियन प्रिमियर लिग (आईपीएल) को प्लेअफमा पुग्ने तेस्रो टोली बनेको छ । गुजरात टाईटन्सविरुद्धको बिहीबारको खेल वर्षाका कारण रद्द भएपछि हैदराबाद प्लेअफमा पुग्ने पक्का भएको हो ।

तेस्रो स्थानमा रहेको हैदराबाद १३ खेलमा १५ अंक भएको छ । दोस्रो स्थानमा रहेको राजस्थान रोयल्सको १३ खेलमा १६ अंक छ । यी दुई टोली शीर्ष दुईमा रहँदै फाइनल प्रवेशका लागि क्वालिफायर खेल्ने दाउमा रहेका छन् ।

कोलकत्ता यसअघि नै १३ खेलमा १९ अंकसहित शीर्ष दुईमा रहने पक्का भइसकेको छ । उता गुजरात भने यस खेलअघि नै बाहिरिसकेको थियो ।

लखनउको प्लेअफ सम्भावना झिनो भए पनि कायमै रहेको छ भने मुम्बई भने बाहिरिसकेको छ ।