कासिन न्यूज,
काठमाडौं ।

आईसीसी टी-२० विश्वकप २०२४ को आफ्नो पहिलो खेलमा नेपालले नेदरल्याण्ड्सलाई १०७ रनको लक्ष्य दिएको नेपाल ६ विकेटले पराजित भएका छ । सुपर८ खेल्ने सपनामा ठूलो धक्का लागेको छ।

ओपनर म्याक्स ओडाउडको ४८ बलमा ५४ रनको अविजित परिपक्क प्रदर्शनमा नेदरल्यान्ड्सले ६ विकेटको जित हात पारेको छ । यस जितले नेदरल्यान्ड्सलाई सुपर ८ मा पुग्ने सपना बलियो बनाएको छ ।

डालासस्थित ग्राण्ड प्रेरी स्टेडियममा टस हारेर पहिले ब्याटिङ गरेको नेपालले १९.२ ओभरमा सबै विकेट गुमाएर १०६ रन बनाएको यथयो । नेपालको लागि कप्तान रोहित पौडेलले ३७ बलमा सर्वाधिक ३५ रन बनाए । उनले ५ चौका प्रहार गरे ।

नेपालका लागि चार खेलाडीले मात्र दोहोरो अंकमा रन बनाए । लोअर अर्डरमा करण केसीले १२ बल खेल्दै २ छक्का मदतमा १७ रन जोडे । गुल्सन झाले १५ बलमा १ छक्का प्रहार गर्दै १४ तथा अनिल शाहले १२ बलमा २ चौका मदतमा ११ रन जोडे ।