सुधीर नेपाल ।

मंगलबार राती अमेरिकाको डालासस्थित ग्राण्ड प्रेरी रंगशाला भनौ या काठमाडौं महानगरपालिकाले टी–२० विश्वकप नजरको लागि काठमाडौं तीन ठाउँबाट गरेको प्रत्यक्ष प्रशारण माहोल निकै रौनक थियो । क्रिकेट प्रेमीहरुमा एउटा उत्सव र उल्लासमय वातावरणको सिर्जना भएको थियो ।
उत्सव र उल्लासले भरिएको क्रिकेटमा फलामको किल्लाले पहिले देखी आफनो पाउ राखी रहेको थियो । नेपालका एक प्रतिष्ठित र क्षमतावान खेलाडीको स्थान अमेरिकाको डालामा थिएन । उनी पनि आम नेपाली जस्तै आफना दौतरीहरुले हानेका चौका र छक्काको मजा टेलिभिजनको पर्दामा नियाँल्दै थिए। ती क्षमतावान खेलाडी हुन् सन्दिप लामिछाने ।
नेपाल पछि अमेरिकी सरकारको उराठ लाग्दो कोपभाजनमा परेका क्रिकेटर लामिछानेको कमि मंगलबारको खेलमा राम्रै सँग देखीएको थियो । आशा र भरोसाको कुरा गर्दा क्रिकेटर लामिछाने खेलमा सहभागी भएको भए खेलले अर्को मोड लिने थियो कि ? यो प्रश्न समस्त क्रिकेट प्रेमीहरुका एउटा रहस्य थियो । तर लामिछाने त्यो खेलमा सहभागी हुन् पाएनन । अमेरिकी सरकारले भिसा पास नगरेपछि खेल खेल्न बाट बञ्चित भएका लामिछानेका कारण अहिले क्रिकेट कुन दिशामा जाने हो भन्ने कुरा पनि बाहिरीन थालेको छ ।
क्रिकेटर लामिछाने माथि लागेको युवती काण्डलाई नेपालको कानूनले सफाई दिए पनि यो कुरा अमेरिकी सरकारको कानूनलाई मान्य भएन त्यसैले उनी खेल खेल्न बाट बञ्चित भए । भन्नै पर्र्दा लामिछानेलाई लागेको आरोप अमेरिकाका ठूला ठूला हस्तिहरुले पहिल्यै भोगीसकेका कुरा थिए ।

तर पनि नेपाली खेलकूदको उदाउँदो तारालाई फोहोरको आहलमा हाल्न अमेरिकी सरकार पछि परेनन । जसलाई अमेरिकी सरकार र कानून भनेको बाहिरीय मुलुकलाई मात्र लाग्दो रहेछ भन्दा फरक पर्दैन ।
देश र जनताको लागि आफनो जीवन खेलमय बनाउन लागि परेका क्रिकेटर लामिछाने माथि गरिएको व्यवहार लाई नियाँल्दा यहाँ सरकार र यसका गृहमन्त्री कुन दिशामा चलिरहेका छन् । उनी जस्तो क्रिकेटको लागि जादूको छडी बनेका एक खेलाडी किन यत्रो ठूलो अन्याय किन त्यो प्रश्न पनि उठिरहेको छ । किन उनलाई अन्तराष्ट्रिय खेलमा सहभागी हुन् दिइएन । अहिले बजारमा यस्ता अनेक खाले प्रश्नहरु उब्जिएका छन् ।
एक त नेपाल काण्डै काण्डले जेलिएको देश हो । यहाँका प्रमुख दलका नेताहरु यस्ता काण्डमा नमुछिएका कमै छन् । तर उनीहरु माथिको व्यवहार र लामिछाने माथि गरिएको व्यवहारमा आकाश जमिनको फरक भएको छ ।
अन्तर्राष्ट्रिय रुपमै नाम चलेका क्रिकेटर सन्दीप लामिछाने, जसले दिलाएका एकपछि अर्को सफलतामा खुसी नहुने कुन नेपाली थियो होला ! हामी पनि उनीप्रति गौरव गर्ने नागरिकहरु नै थियौं । पहिलोपल्ट सन्दीपमाथि बलात्कारको आरोप लागेको खबर सुन्दा सुरुमा विस्मय, अनि घृणाभाव उब्जेको थियो । यस्तै यस्तैमा दिनहरु बितिरहेका थिए ।
मानिसको जीवन हो । कहिले कहाँ, कहिले कहाँ । सन्दिप लामिछानेको घटनालाई सम्झँदा । अहिलेको समाज कतातिर दौडिरहेको छ भन्ने लागेको छ । युवा र युवती दुबै एक अर्काको सम्भावक हुन् । कोही बिना कोही पनि रहन सक्दैन । यो ध्रुव सत्य पनि हो ।

अझ हाइप्रोफाइल प्रतिवादी सामेल भएको भनिएको मुद्दाबारे बोल्न कति कठिन छ । आत्ममुग्धताले ग्रस्त मानिसहरुको बहुसंख्या भएको समाजमा न्यायको मुद्दा कहिलेकाहीं अलोकप्रिय पनि सुनिन्छ ।
यदि लामिछाने सामान्य नागरिक भएको भए यो कुरा उठ्ने नै थिएन । तर सन्दिप नेपाली क्रिकेटको एउटा तारा थियोे । त्यही तारा नै अहिले आँखा बन्यो ।
अहिले नेपालमा यो प्रचलनले आधुनिक समाजलाई राम्ररी गाँजेको छ । युवतीहरुलाई कानूनले धेरै भाउ दिएको कारण यो समस्या आएको कुराहरु पनि कानूनका ज्ञाताहरुले बताउन थालेका छन् ।
सन्दिप लामिछाने नेपाली खेलकूदका एउटा क्रेज नै हो । उसको पछाडि जो पनि लाग्न सक्छ । चाहे त्यो युवती हो वा युवा यसले कुनै माने राख्दैन् । तर बजारमा एक पछि अर्को सेलीब्रेटी सिद्धाउने जुन खेलो चलेको छ । त्यसमा पनि ठूलै आर्थिक लेनदेनको कुरा लुकेको छ भन्ने गन्ध आउन थालेको छ । जसलाई नेपाली राजनीतिक दल देखी नेपाल सरकारले आफनो बाहुलमा कस्न नसक्नु पनि अर्को कारण हो ।
समाजका नालायकहरु आफनो धारीलो हतियारको रुपमा युवतीलाई प्रयोग गर्छ र सेलीब्रेटीहरुलाई प्रहार गर्न थाल्छन् । भारतीय समाजमा चलेको यो चलन नेपालमा बिस्तारै आउन थालेको भान हुन् थालेको छ ।
सोही अनुसार युवतीहरु प्रयोग भै रहेका छन् । यस्तो बिकृतिलाई समाजले साथ दिइरहेको छ । कानूनले साथ दिइरहेको छ । यही कानून र समाजको आडमा समाजका चुनिएका ब्यक्तिहरुलाई सिद्धयउने एउटा गिरोह सञ्चालनमा छ ।
आर्थिक उर्पाजनको लागि प्रयोग गरिने युवतीहरु नै यो गिरोहबाट सञ्चालित छन् । यस्ता गिरोहहरुलाई समाप्त गर्ने एउटा निकायको आवश्यकता भै सकेको छ । नत्र समाजमा लुकेर बस्नु सिवाय केही हुदैन् । अनि खेलकूद मात्र होइन हरेक क्षेत्र यस्ता बिकारजन्य खेलहरुको सिकार भै राख्छन् । क्रिकेटर लामिछानेलाई पनि त्यहि बिकारको एउटा पात्र बनाइएको छ । जसको मूल कर्ता भनेको नेपाल सरकार जो आफनो कुरालाई स्पष्ट राख्ने हिम्मत गर्दैन । घरमा बाघ र बाहिर स्यालको पगरि गुथेका नेपाल सरकार त्यसमा महत्वपूर्ण मन्त्रालयका मन्त्रीहरु नै यसका लागि जिम्मेवार हुन् भन्दा फरक पर्दैन ।