कासिन न्यूज,
हेटौँडा ।

अत्यधिक गर्मीका कारण हेटौँडाका सामुदायिक (सरकारी) र निजी विद्यालयले दुई दिन बिदा दिने भएका छन्। अत्यधिक गर्मी बढेपछि हेटौँडा उपमहानगरपालिकाको शिक्षा विकास महाशाखाले बुधवार एक सूचना जारी गर्दै नगरभित्र रहेका सरकारी तथा निजी विद्यालय दुई दिन बन्द हुने जानकारी गराएको हो।

जारी सूचनामा बुधवार ३० गते बसेको वडा शिक्षा समितिको बैठकको निर्णयअनुसार भोलि जेठ ३१ र ३२ गते २ दिन विद्यालय बन्द गर्ने निर्णय गरेको उल्लेख छ।

अत्यधिक गर्मी र चर्को घामका कारणले गर्दा विद्यार्थीहरुलाई विद्यालय आवतजावत गर्न र कक्षाकोठामा बसेर अध्ययन गर्न कठिनाइ भएकोले उक्त निर्णय गरेको जनाइएको छ।