कासिन न्यूज,
काठमाडौं ।

अखिल नेपाल फुटबल संघ (एन्फा)ले यू–१७ र यू–२० राष्ट्रिय फुटबल टोलीका लागि खुला छनोट गर्ने भएको छ । एन्फाले सबै प्रदेश र जिल्ला संघलाई खुल्ला परीक्षा सञ्चालन गर्न आइतवार पत्राचार गरेको छ ।

टोलीको छनोट भुटानमा हुने साफ यू–१७ च्याम्पियनसिपका साथै नेपालमा हुने साफ यू–२० च्याम्पियनसिपका लागि हुनेछ । छनोट भएका खेलाडीले आ–आफ्नो उमेर समूहका लागि एसियन कप छनोटमा पनि भाग लिनेछन् ।

यु–२० साफ नेपालमा साउन ३२ देखि भाद्र १२ गतेसम्म हुने छ भने यू–१७ साफ आश्विन २ देखि १२ गते भुटानमा हुनेछ । त्यसैगरी यू–२० र यू–१७ एसियन कपका लागि छनोट प्रतियोगिता अन्तर्गत नेपालका खेलहरु क्रमशः चाइनिज ताइपेई र कतारमा हुनेछन् ।