कासिन न्यूज,
काठमाडौं ।
नेपाल प्रहरीका प्रहरी नायब महानिरीक्षक (डिआइजी) पोषराज पोखरेल प्रहरी अतिरिक्त महानिरीक्षक (एआइजी) मा बढुवाका लागि सिफारिस भएका छन्।
गृह मन्त्रालयअन्तर्गतको बढुवा समितिको सचिवालयले रिक्त रहेको अतिरिक्त महानिरीक्षक पदमा पोखरेललाई बढुवाका लागि सिफारिस गरेको हो।

सोमबार बिहान बसेको समितिको बैठकले प्रहरी नियमावली २०७१ (संशोधनसहित)को नियम २७ को उपनियम (४) अनुसार पोखरेललाई एआइजीमा बढुवाका लागि सिफारिस गर्ने निर्णय भएको बढुवा समितिका सदस्यसचिव रहेका प्रहरी महानिरीक्षक वसन्तबहादुर कुँवरले जानकारी दिए।