कासिन न्यूज,
काठमाडौं ।
जिल्ला प्रहरी परिसर काठमाडौंका प्रवक्ता एसपी नवराज अधिकारीका अनुसार शुक्रबार बिहान करिब साढे २ बजे बाप्र ०२७ च ०४९१ नम्बरको कार कलभर्टमा खसेर डुबेको थियो। कार खस्दा एक जनाको मृत्यु भएको छ। कार काठमाडौंको नागार्जुन नगरपालिका–६ रामकोटस्थित छमछमे खोलाको कलभर्टमा खसेको थियो ।
दुर्घटना भएको सूचना पाएलगत्तै घटनास्थल पुगेको प्रहरीले तीन घन्टापछि कार चालकलाई बिहान साढे ५ बजे उद्धार गरेको थियो। उद्धारपश्चात उपचारका लागि मनमोहन मेमोरियल अस्पताल लगिएकोमा बिहान ५ः४५ बजे चिकित्सकले मृत घोषणा गरेका थिए।
मृतक कार चालक नागार्जुन नगरपालिका–६ बस्ने खरिबोटका अन्दाजी ४०÷५० वर्षका पूर्ण दर्नाल रहेको एसपी अधिकारीले जानकारी दिए।
कलभर्टमा खसेको कारलाई ¥याकर, क्रेनको सहायताले स्थानीय र प्रहरीले बिहान ६ः०९ बजे निकालिएको एसपी अधिकारीले जानकारी दिए। दुर्घटनाबारे थप अनुसन्धान भइरहेको प्रहरीले जनाएको छ।