कासिन न्यूज,
काठमाडौंं ।
दुई तस्विरमा बेग्लै बेग्लै परिदृश्यहरु देखीन्छ । एक मानव हुन् भने अर्को जनावर । तर यी मान्यता एउटै जसरी पनि खाना खोज्नु र त्यसले आफनो पेट भर्नु । शनिवार बिहान पशुपति मन्दिरको बाहिर देखीएको यी जीव आत्माहरुको स्थिती ।

बिहानको समय मुसलधारे पानी परिरहेको थियो । यी दुई आत्माहरु आफना लागि खानाको जोहो गर्न जुटिरहेका थिए । यो उनीहरुको रहर थिएन । तर बाध्यता जरुर थियो । किन कि यसमा पापी पेटको सवाल आऊँथ्यो । भोक र तिर्खाको अगाडी कसैको पनि केही लाग्दैन । यसैको जिम्मेवारी बहन गर्न यी दुई आत्माहरु बिहान देखी खटिइरहेका थिए ।

यी दुई आत्मा एक बुढी आमा थिइन । जो एउटा प्लाष्टिकको कचौरा लिएर भिजेको भुँइमा छाताको साहाराले कचौरालार्ई हातमा लिएर माग्दै थिइन ।  भने अर्को थियो  बाँदर जो पशुपति मन्दिरको ढोका छेउमा बसेर पाउरोटीको टुक्रा चपाउँदै मन्दिरमा आएका दर्शनार्थीहरुको हातमा बेला बेलामा नजर लगाउँदै थियो ।
तस्विर /आलेख : सुधीर नेपाल