कासिन न्यूज,
काठमाडौं ।
काठमाडौंमा आएको अविरल वर्षाले नेकपा एमालेको कार्यालयलाई क्षति पुर्याएको छ । । मनोहरा खोलामा आएको बाढी च्यासलमा रहेको एमालेको कार्यालयमा पसेर कार्यालय जलमग्न भएको छ ।

शुक्रबार रातिदेखि परेको अविरल वर्षाका कारण मनोहरा खोलामा जलसतह बढेर कार्यालयभित्रै बाढी पसेको हो । खोलामा पानीको सतह पुल भन्दा पनि उचाइमा पुगेपछि नजिकै रहेको एमाले कार्यालयभित्र बाढी पसेको हो ।

च्यासलमा मनोहरा करिडोर सडक पनि डुबानमा परेको छ । एमाले कार्यालय नजिकै रहेको च्यासल रंगशाला पनि डुबानमा परेको छ । पानीले भरिएपछि रंगशाला पोखरीजस्तो बनेको छ ।