कासिन न्यूज,
मुगु ।
मुगु जिल्लाको मुगुम डोल्फु गाउँको २४ वटा घर र एउटा सार्वजनिक गुम्बा डाँका चोरी गर्ने कार्यमा संलग्न व्यक्तिहरूलाई प्रहरीले पक्राउ गरेको छ । रातको समयमा बिष्णु बहादुर बुढा समेतका ७/८ जना अपरिचित व्यक्तिहरूको समुहले मुखमा मास्क लगाई हातहतियार सहित गाउँमा प्रवेश गरी गोली पड्काई केही स्थानीय मानिसहरूलाई कुटपिट समेत गरी डरत्रासमा पारेर लुटेराहरुले लुटेका थिए ।

गाउँका २४ वटा घर र एउटा गुम्बा तोडफोड गरी नगद पैसा, सुन, चाँदी, गरगहना अन्दाजी सुन ३५ तोला, चाँदी ९९४.५ तोला, बुद्धको मुर्ति–२, रिणमोक्षको मुर्ति–१, मुगाको माला अं.९५ तोला, यार्सा, मोबाईल, नगद रु.५० लाख २५ हजार समेतका धनमालहरु लुटी फरार रहेका व्यक्तिहरु मध्ये तीनजना व्यक्तिहरुलाई प्रहरीले पक्राउ गरेको छ ।