कासिन न्यूज,
काठमाडौं ।
राष्ट्रिय स्वतन्त्र पार्टी(रास्वपा)ले महामन्त्री मुकुल ढकाललाई पार्टीगत कार्वाही गरेको छ । रास्वपाको मुख्यालयमा बुधबार बसेको कार्यसमितीको बैठकले महामन्त्री ढकालले मुखमा टेप लगाएर बिरोधको स्वरुप देखाएकोले उनलाई अनुशासन उल्लंघन गरेको भन्दै कार्वाही स्वरुप महामन्त्री तथा प्रवक्ता पदबाट ७ दिनका लागि निलम्बन गरिएको सहप्रवक्ता मनिष झाले सार्वजनिक गरेको निर्णयमा उल्लेख गरेका थिए ।

७ दिन पछि आएर अहिले ढकाललाई रास्वपाले आफना निलम्बित महामन्त्री ढकाललाई साधारण सदस्य समेत नरहने गरि पार्टीबाट निष्कासन गर्न सिफारीस गरेको छ।रास्वपाको अनुशासन आयोगले निलम्बित महामन्त्री मुकुल ढकाललाई साधारण सदस्यसमेत नरहने गरी पार्टीबाट निष्कासन गर्न सिफारिस गरेको हो । सो सिफारिसबारे जारी केन्द्रीय समिति बैठकमा छलफल भइरहेको छ ।
रास्वपाका एक नेताका अनुसार आयोगको सिफारिसमाथि छलफल गरेर केन्द्रीय समितिले आवश्यक निर्णय लिनेछ ।