कासिन न्यूज,
काठमाडौं ।
नेपाली कांग्रेस र नेकपा एमाले मिलेर आलोपालो सरकार चलाउने सम्झौता भएको बताएका छन् कांग्रेसका नेता डा. शेखर कोइरालाले ।
“मैले विगत सात÷आठ महिनादेखि मुलुकमा स्थिर सरकार र सुशासन चाहिन्छ भनेर भन्दै आएको थिएँ, आज त्यो पूरा हुने क्रममा छ, कांग्रेस र एमाले मिलेर देशलाई सुशासन दिन्छौँ, संविधानमा भएका कमजोरी सुधार्दै मुलुकलाई आर्थिक विकासको गतिमा अगाडि बढाउछौँ”, नेता डा.कोइरालाले भने ।

खगेन्द्र नवजीवन विशेष शिक्षा माध्यमिक विद्यालयले आयोजना गरेको ‘छात्रावृत्ति वितरण समारोह’ मा बोल्दै नेता कोइरालाले मुलुकमा राजनीतिक स्थायित्व प्रदान गर्दै सुशासन दिन कांग्रेस एमाले गठबन्धन निर्माण भएको बताएका हुन् । नेता डा. कोइरालाले अब बन्ने सरकार संविधानको धारा ७६ (२) अनुसार बन्ने बताए ।