कासिन न्यूज,
काठमाडौं ।
प्रतिनिधिसभाको बिहिबारको बैठक मन्त्री उपस्थित नभएपछि शुक्रबार सम्मका लागि स्थगन भएको छ । अपराह्न बसेको सभाको बैठकको प्रारम्भमा नेपाली कांग्रेसका सांसद रामहरि खतिवडाले प्रधानमन्त्री र मन्त्रीहरु उपस्थित नभएकाले संसद् बैठक चल्न नसक्ने बताएपछि सभामुख देवराज घिमिरेले बैठक बिहिबार सम्मका लागि स्थगन भएको घोषणा गरे ।

सभामुखले घिमिरेले प्रतिनिधिसभाको बैठकमा कुनै पनि मन्त्रीको उपस्थिति नरहेकाले बिहिबारको बैठकको कार्यसूचीमा रहेको वार्षिक प्रतिवेदन पेस गर्ने कार्यक्रम हटाइएको व्यहोरा जानकारी गराए । प्रतिनिधि सभा नियमावली, २०७९ को नियम ६ को उपनियम ५ बमोजिम बैठकमा मन्त्रीको उपस्थिति अनिवार्य छ । प्रतिनिधि सभाको अर्को बैठक यही असार २८ गते बिहान ११ बजे बस्नेछ ।