कासिन न्यूज,
काठमाडौं ।

बुटवलबाट काठमाडौं तर्फ जाँदै गरेको लु२ख ६५६६ नम्बरको बसमा लेदो सहित पहिरोको  ढुंगा खस्दा बस चालकको मृत्यु भएको छ। पहिरोमा परेर बस चालक नवलपरासी सुनवल नगरपालिका-५ बस्ने ३६ वर्षका मेगनाथ बिकको मृत्यु भएको हो ।

शुक्रबार बिहान ३ बजेको समयमा नारायणगढ-मुग्लिन सडकखण्ड अन्तर्गत चितवनको भरतपुर– २९, सत्रकिलोमा माथिबाट पहिरो खसेर बसमा लागेको थियो। बसलाई  घटनास्थल नजिकै साईड लगाई राखिएको छ । पहिरोका कारण सडक अवरुद्ध भएको छ ।

बसमा चालकसहित करिब ६५ यात्रु रहेको अनुमान छ । घटनास्थलमा पुगेका चितवनका प्रमुख जिल्ला अधिकारी इन्द्रदेव यादवका एन्जल डिलक्स लेखेको बस र काठमाडौंबाट गौरतर्फ जाँदै गरेको नम्बर नखुलेको गणपति डिलक्स लेखेको बस भरतपुर महानगरपालिका वडा नम्बर २९ सिमताल भन्ने स्थानमा पहिरोमा परेका थिए ।

यादवका अनुसार गौर जाँदै गरेको बसमा ४१ र काठमाडौं आउँदै गरेको बसमा २४ जना यात्रु रहेको अनुमान छ । यद्यपि यात्रुहरुको एकिन विवरण भने थाहा हुन सकेको छैन । दुवै बस र यात्रुहरुको अवस्था अज्ञात छ । प्रमुख जिल्ला अधिकारी यादवले भने, ‘हामी घटनास्थलमा छौं । पहिरो पन्छाउँदै खोजी कार्य जारी छ ।’
जिल्ला प्रहरी कार्यालय चितवनले खोज तथा उद्धारमा ७५ जनाको पखटाइएको र त्रिशूलीमा बस खोज्न गोताखोर पनि झिकाइएको जनाएको छ ।