कासिन न्यूज,
काठमाडौं ।
सरकार परिवर्तन सँगै महान्यायाधिवक्ता फेरीने प्रक्रियालाई दीनमणि पोखरेलले पनि निरन्तरता दिएका छन् । प्रधानमन्त्रीमार्फत् महान्यायाधिवक्ता पोखरेलले दिएको राजीनामा राष्ट्रपति रामचन्द्र पौडेलले स्वीकृत गरेको शीतल निवासले जनाएको छ ।

महान्यायाधिवक्ता सरकारको प्रमुख कानूनी सल्लाहकार मानिन्छन् । पुष्पकमल दाहाल ‘प्रचण्ड’ को सिफारिसमा पोखरेल २०७९ पुस १६ गते महान्यायाधिवक्ता नियुक्त भएका थिए । प्रधानमन्त्रीमा दाहालले विश्वासको मत नपाएपछि सरकार ढलेसँगै पोखरेलले पनि राजीनामा दिएका हुन् । आइतबार नियुक्त भएका प्रधानमन्त्री केपी शर्मा ओलीले नयाँ महान्यायाधिवक्ता नियुक्त गर्नेछन् । ओलीले पूर्व महान्यायाधिवक्ताद्धय रमेश बडाल र अग्नी खरेलमध्ये एक जनालाई नियुक्त गर्ने चर्चा छ ।