४, साउन ।
न्यूरोड काठमाडौं शहरको मुटु । शहरीयाहरुको किनमेल देखी घुमघामको लागि नाम कमाएको क्षेत्र  अहिले तनावमा छ । कारण न्यूरोडका सडक पेटीहरुलाई बिस्तारीत गर्ने काठमाडौं महानगरका मेयर बालेन शाहको योजनाले । केही दिन अघि मेयर शाहको निवेदन माथि उच्च अदालत पाटनले फुटपाथ बिस्तारको लागि आदेश नै दियो ।

अदालतको आदेश मुताबिक अहिले न्यूरोडको फुटपाथ बिस्तारकोे कार्य तिब्र गतिमा चलिरहेको थियो । एक्कासी मेयर शाहको प्रोजेक्ट माथि फेरी बज्रपात सुरु भयो । आफनै स्थानलाई फराकिलो र राम्रो बनाउने कार्यमा साथ दिनुको साटो उल्टो अहिले स्थानियहरु मेयर शाहको प्रोजेक्ट माथि खनिएका छन् । जसमा अलि अलि राजनीतिक गन्ध पनि आउन थालेको छ ।

केही दिन अघि महानगरको कार्य पालिका बैठकमा न्यूरोडको फुटपाथको बिषयलाई लिएर वडाध्यक्ष र मेयर शाह बिच  ठूलै विवाद भएको थियो । जुन बादविवाद त्यो दिनका लागि सामाजिक सञ्जाल देखी यूटूबहरुको लागि समाचारको खुराक बनेका थिए ।

अब कुरो आखिर न्यूरोडमा त्यस्तो के छ जसका कारण फुटपाथ नै बिस्तार गर्न नहुने । फुटपाथ, सडक देखी टोलहरुको बिकास हुनु पब्लिक आफैका लागि सहज होइन र ? यो प्रश्न पनि अहिले बजारमा आउन थालेको छ ।

केही दिन अघि मात्र फुटपाथ सुधारका लागि महानगरले थालेको काम सडक डिभिजन कार्यालयको अवरोधपछि रोकिएको थियो । जसलाई अदालतले खोलदियो ।
सरकारी निकाय र जनप्रतिनिधिहरुको दबाबलाई झेलीरहेका मेयर शाहलाई अब न्यूरोडका स्थानियबासीहरुलाई समेत झेल्नु पर्ने अवस्था आएको छ ।
अहिले फुटपाथ विस्तारको विरोधमा न्यूरोडका स्थानियबासीहरु उत्रीएका छन् ।

सडक साँघुरो बनाएर फुटपाथ फराकिलो बनाउन नहुने माग स्थानियबासीहरुको छ । जसको नेतृत्व जनप्रतिनिधिहरु नै गरि राखेका छन् । यसरी आफै धामी आफै झाक्री भएको नाटक गरिरहेका जनप्रतिनिधिहरु आखिर मेयर शाहको रचनात्मक कामहरुको बिरोध किन गरिरहेका छन् । त्योे बुझ्न बाहिर रुपमा जति सरल भएपनि भित्री रुपमा निकै कठिन  छ । आखिर यहाँ पनि राजनीतिक गन्ध आउन थालेको छ । अब हेरौ त्यो राजनीतिक गन्धलाई मेयर शाहले कसरी निरुपरण गर्छन ।