कासिन न्यूज,
काठमाडौं ।
प्रधानमन्त्री केपी शर्मा ओलीले आइतबार लिने विश्वासको मतका बारेमा तिन प्रतिपक्षी दलहरुले छलफल गरेका छन् । नेकपा माओवादी केन्द्रको सिंहदरबारमा रहेको संसदीय दलको कार्यालयमा माओवादी केन्द्र, राष्ट्रिय स्वतन्त्र पार्टी र एकीकृत समाजवादीको बैठक बसेको थियो ।

बैठक पछि जानकारी दिँदै एकीकृत समाजवादीको उपाध्यक्ष राजेन्द्र पाण्डेले भने,‘प्रधानमन्त्रीले आइतबार विश्वासको मत लिने भन्ने कुरा आयो । प्रतिपक्ष दलको यो विश्वासको मतको सवालमा कसरी जान, साझा धारणाा बनाउने छलफल हो ।’ तर हामीले प्रधानमन्त्री ओलीलाई विश्वासको मत नदिने निर्णय गर्यो ।

बैठकमा माओवादी केन्द्रका अध्यक्ष पुष्पकमल दाहाल प्रचण्ड, रास्वपाका सभापति रवि लामिछाने, एकीकृत समाजवादीका अध्यक्ष माधव नेपाल सहभागी थिए । साथै बैठकमा उपल्लो तहका केही सिमित नेता सहभागी थिए ।