कासिन न्यूज, काठमाडौं ।

काठमाडौं महानगरपालिकाको कार्यालय काठमाडौं प्लाजा नजिकैको सडक भासिएको छ।  दरबारमार्ग र काठमाडौं प्लाजा जोड्ने सडक भासिएको हो। टुकुचा छोपेर बनाइएको सडक बिहीबार राति भासिएको स्थानीयले बताएका छन्।

सडक भासिएपछि उक्त खण्डमा रातिदेखि नै आवागमन प्रभावित भएको छ।

अहिले उक्त सडक खण्ड बन्द गरिएको ट्राफिक प्रहरीले बताएको छ। यस सडक खण्ड केही दिनअघि पनि भासिएको थियो। भत्किएको खण्ड पुरेर आवागमन सुरू गरिए पनि सडक फेरि भासिन पुगेको स्थानीयले बताएका छन्।

सडक विभागको क्षेत्राधिकारभित्र पर्ने यो बाटो ‘वन वे’ अर्थात् एकतर्फी छ। दरबारमार्गबाट काठमाडौं प्लाजतर्फ जान मात्र पाइन्छ।