कासिन न्यूज, काठमाडौं
कोशी प्रदेश सरकारका मुख्यमन्त्री हिक्मतकुमार कार्कीले सोलुखुम्बुको खुम्बु पासाङल्हामु गाउँपालिका–५ थामे गाउँमा थामे खोला र भोटेकोशीको बाढी र पहिरोपीडित भएकाहरुलाई तत्काल उद्धार गर्न सुरक्षा निकायलाई आज निर्देशन दिनुभएको छ ।

उहाँले बाढी र पहिरोमा परेकालाई तत्काल उद्धार एवं राहत वितरण गर्न निर्देशन सँगै सो स्थानमा उद्धार टोली पुगिसकेको मुख्यमन्त्री कार्कीका प्रेस सल्लाहकार विक्रम लुइँटेलले जानकारी दिनुभयो ।

खुम्बु पासाङल्हामु गाउँपालिकाको थामेमा आज दिउँसो बाढी र पहिरो आएपछि मुख्यमन्त्री कार्कीले सुरक्षा निकायलाई निर्देशन दिनुभएको हो । सो क्षेत्रमा तत्काल भएको क्षतिको विवरण आइनसकेको बताइएको छ ।