कासिन न्यूज, काठमाडौं ।

काठमाडौं महानगरपालिका सम्पदा तथा पर्यटन विभागले मिति २०८१ भाद्र ५ गतेको दिन पत्रकाटि वडा कार्यलयहरुबाट हुने सम्पदासँग सम्बन्धित योजनाहरुको निमार्ण कार्य गराउँदा तपशिलमा उल्लेखित विषयहरुको पालना गरी योजनाहरु कार्यान्वयन गर्न निर्देशन गरेको छ ।

१) प्राचीन स्मारक र पुरातत्व सम्बन्धी ऐतिहासिक वा कलात्मक वस्तुहरुको संरक्षणको निमित्त बनेको प्राचीन स्मारक संरक्षण ऐन २०१३ र नियमावली २०४६ गर्नुपर्ने ।

२) काठमाडौं नगर क्षेत्रको इनभेन्ट्रीमा उल्लेख भएका पुरातात्विक महत्वका मठ मन्दिर सत्तल, ढुंगेधारा वहा वही आदिको पुन:निर्माण, जिर्णोद्वार र मर्मत गर्दा पुरातत्व विभागको स्वीकृति लिनुपर्ने ।

३) पुन:निर्माण, जिर्णोद्वार तथा मर्मत गर्दा सिमेन्टको प्रयोग नगरी परम्परागत निर्माण सामाग्री जस्तो चुना, सुर्खी आदीको प्रयोग गर्ने ।

४) जग्गाको स्वामित्व गुठी अन्तर्गत भए गुठी संस्थानको स्वीकृति लिने ।

५) योजना कार्यान्वयनको जानकारी काठमाडौं महानगरपालिका सम्पदा तथा पर्यटन विभागलाई पनि गराउने ।

काठमाडौं महानगरपालिका सम्पदा तथा पर्यटन विभागले श्री प्रमुखको सचिवालय, श्री उप प्रमुखको सचिवालय, श्री प्रमुखको प्रशाासकिय अधिकृतज्यूको सचिवालय तथा श्री सूचना प्रविधि विभाग काय साइटमा अपलोड गरिदिनु भनि वोधार्थ पठाएको छ ।