कासिन न्यूज, काठमाडौं

धितोपत्र बजारमा शेयर कारोबार मापक नेप्से परिसूचक आज झण्डै ३७ अङ्कले ओरालो लागेको छ । नेपाल स्टक एक्सचेञ्जका अनुसार नेप्से परिसूचक ३६ दशमलव ८३ अङ्कले ओरालो लागेर २ हजार ७ सय ४९ दशमलव ५७ मा ओर्लेको छ ।

यस्तै ठूला कम्पनीको कारोबार मापन गर्ने सेन्सेटिभ परिसूचक ८ दशमलव ३५ अङ्कले ओरालो लागेर ४ सय ८९ दशमलव ७९ मा ओर्लेको छ । कारोबार भएका कूल १३ उपसमूहमध्ये आज १२ उपसमूहको शेयर मूल्यमा गिरावट आउँदा एक उपसमूहको मात्रै उकालो लागेको छ ।

कूल २ करोड ८३ लाख ४६ हजार २ सय ४६ कित्ता शेयर रु १२ अर्ब २४ करोड ३६ लाख १ हजार ३ सय ६५ मूल्यमा कारोबार भएको छ । नेप्सेका अनुसार कुथरी बखरी स्मल हाइड्रोपावरको शेयर मूल्यमा १० प्रतिशतले वृद्धि भई सकारात्मक सर्किट लागेको छ ।

रसुवागढी हाइड्रोपावर ९ दशमलव ९९, मिड सोलु हाइड्रोपावर ८ दशमलव ४८, मितेरी डेभलपमेन्ट बैंक ७ दशमलव ८९ र पिपल्स हाइड्रोपावरका लगानीकर्ताले ७ दशमलव ६२ प्रतिशतले कमाएका छन् ।

यस्तै थ्री स्टार हाइड्रोपावर १०, विन नेपाल लघुवित्त ५ दशमलव ८४, एनआरएन इन्फास्ट्रक्चर ५ दशमलव शुन्य ८, तारागाउँ रिजेन्सी होटल ४ दशमलव ९९ र नाडेप लघुवित्तका लगानीकर्ताले ४दशमलव ७८ प्रतिशतले गुमाएका छन् ।