महासागर गएपनि लोटा अनुसार पानी आउँछ
ठुलै मान्छे भएपनि बुद्दि अनुसार बानी आउँछ
मान सम्मान बिक्री गर्ने राजनीतिका व्यापारी छन्
पैंसा भए प्रतिष्ठा र पद छानीछानी आउँछ ।।

क्या जमाना क्या जुग थियो
कानुन भन्दा माथी मुख थियो
आज बेथिति छ जताततै
हिजो बा पुस्तामा बरु तुक थियो ।।

देशकै चिन्ता लिएर मर्नेपनि छन्
देशलाई बलात्कार गर्नेपनि छन्
कलङ्ककको टिका प्यारो हुन्छ कसैलाई
बिना कलङ्कक बैकुण्ठ तर्ने पनि छन् ।।

बगरका काँससरी कपाल सेतै टल्किसके
यौवन पाखा लाग्दैलाग्दै उमेर आदि ढल्किसके
गुम्सिएर बसेका छन् मन भित्रभित्रै पिडाहरु
रोक्न खोज्दा आँखाबाट आँसु त्यसै छल्किसके ।।