आज सुनको मूल्य प्रतितोला १ लाख ५८ हजार ८ सय, हालसम्मकै उच्च मूल्य

२३ पुष २०८१, मंगलवार

आज सुनको मूल्य प्रतितोला १ लाख ५८ हजार ८ सय, हालसम्मकै उच्च मूल्य

- आश्विन ६, २०८१ मा प्रकाशित

कासिन न्यूज, काठमाडौं ।

स्थानीय बजारमा आज सुनको मूल्यले पुनः नयाँ कीर्तिमान कायम गरेको छ । लगातार वृद्धि हुँदै आएको सुनको मूल्यमा आज भएको वृद्धिपछि हालसम्मकै उच्च मूल्य कायम भएको हो । अन्तर्राष्ट्रिय बजारमा पनि लगातार सुनमा मूल्य वृद्धि हुँदा त्यसको प्रभाव स्थानीय बजारमा परेको हो ।

नेपाल सुनचाँदी व्यवसायी महासङ्घका अनुसार आज तोलामा रु. १ हजार ७ सयले वृद्धि भएको छ । शुक्रबार प्रतितोला रु. १ लाख ५७ हजार १ सयमा कारोबार भएको छापावाला सुन आजका लागि रु. १ लाख ५८ हजार ८ सय निर्धारण भएको छ । असोज १ गतेको तुलनामा आजको मूल्यसूची अनुसार छापावाला सुन तोलामा रु. २ हजार १ सयले वृद्धि भएको छ ।

यस्तै, चाँदीको मूल्य तोलामा रु. ५ ले वृद्धि भएको छ । शुक्रबार प्रतितोला रु. १ हजार ९ सय १५ मा कारोबार भएको चाँदी आजका लागि भने रु. १ हजार ९ सय २० निर्धारण भएको छ ।

What’s your Reaction?

Post Views: 74