अग्लो धवलागिरि हिमाल आरोहणका लागि १४ जनाले लिए अनुमति

- आश्विन ८, २०८१ मा प्रकाशित

कासिन न्यूज, काठमाडौं ।

म्याग्दीयस वर्षको शरद्याममा म्याग्दीस्थित धवलागिरि हिमाल आरोहणका लागि १४ जनाले अनुमति लिएका छन् ।

विश्वको सातौँ अग्लो धवलागिरि हिमाल म्याग्दीको धवलागिरि गाउँपालिका–४ मा पर्दछ । एउटा समूहका १४ जना पुरुष पर्वतारोहीले धवलागिरि हिमाल आरोहणका लागि अनुमति लिएका पर्यटन विभागले जनाएको छ ।

विभागका अनुसार धवलागिरि हिमाल आरोहणको अनुमति लिएकाबाट रु. १६ लाख ८९ हजार ३० सलामी दस्तुर (शुल्क) प्राप्त भएको छ । गत वसन्त याममा ३ समूहका २२ पुरुष र ८ जना महिलाले धवलागिरि हिमाल आरोहण गर्ने अनुमति लिएका थिए । सोबापत रु. ७१ लाख ७० हजार ७ सय ५० शुल्क सङ्कलन भएको विभागले जनाएको छ ।

आरोहण अनुमति लिएका आरोही, शेर्पा, पथप्रदर्शक, भरिया र सहयोगी आधार शिविर आउने तयारी गरेका इटली आधार शिविरका होटल व्यवसायीसमेत रहनुभएका धवलागिरि गाउँपालिका–४ का वडा सदस्य हरिप्रसाद तिलिजाले बताउनुभयो ।

पर्यटन विभागको पछिल्लो विवरणअनुसार चालु यामका लागि नेपालका १० हिमाल आरोहणका लागि ५४ देशका ८८ महिला र २ सय ७४ जना पुरुषले अनुमति लिएका छन् । उनीहरुबाट रु. ४ करोड ५२ लाख ४५ हजार ८ सय ४८ आरोहण शुल्क प्राप्त भएको छ ।

शरद्मा सगरमाथा बाहेक ८ हजार मिटर अग्ला हिमाल आरोहण गर्न चाहने विदेशीले सलामी दस्तुर प्रति आरोही ९ सय डलर तिर्नुपर्ने प्रावधान रहेको विभागले जनाएको छ । अन्य साना हिमालका लागि न्यूनतम १ सय २५ देखि अधिकतम ४ सय सम्म सलामी दस्तुर तिर्नुपर्ने व्यवस्था छ ।

शरद् याममा सबैभन्दा बढी गोरखामा रहेको ८ हजार १ सय ६३ मिटर अग्लो मनास्लु हिमाल आरोहण गर्न २८ वटा समूहका ३ सय ८ जनाले अनुमति लिएका पर्यटन विभागले जनाएको छ । मनास्लुपछि धेरै आरोहणको अनुमति लिएको हिमाल धवलागिरि हो ।

पुथा हिमचुली ९ जना, अन्नपूर्ण चौथो ५ , थाकर गो इस्ट ४, पुङ्गी ५, कुम्भकर्ण ६, अरनीको चुली ३, अपी ६ र मकालु पहिलो आरोहण गर्न २ जनाले अनुमति लिएका छन् । सरदयाममा नेपालका हिमाल आरोहणका लागि सबैभन्दा बढी चीनका ६१ जनाले अनुमति लिएका विभागले जनाएको छ ।

गत वसन्तयाममा नेपालका ३० वटा हिमाल आरोहणका लागि १ हजार २ जनाले अनुमति लिएका थिए । उनीहरुले रु. ६८ करोड ९९ लाख ७५ हजार ३ सय ११ आरोहण शुल्क तिरेको विभागको वेबसाइटमा उल्लेख छ ।

What’s your Reaction?

Post Views: 79