कासिन न्यूज, काठमाडौं ।
धितोपत्र बजारमा शेयर कारोबार मापक नेप्से परिसूचक आज ओरालो लागेको छ । नेपाल स्टक एक्सचेञ्ज (नेप्से ) का अनुसार आज परिसूचक ३२ दशमलव ८१ अङ्कले ओरालो लागेर २ हजार ४ सय ८६ दशमलव ७६ मा सीमित भएको छ ।

यस्तै, ठूला कम्पनीको कारोबार मापन गर्ने सेन्सेटिभ परिसूचक ५ दशमलव ३४ अङ्कले ओरालो लागेर ७ सय ४७ दशमलव ४५ मा सीमित भएको छ । कारोबार भएका १३ उपसमूहमध्ये दुई वटा उपसमूहको शेयर मूल्य उकालो लाग्दा ११ उपसमूहको शेयर मूल्य भने ओरालो लागेको छ । कूल १ करोड ३६ लाख ९१ हजार ५ सय ९६ कित्ता शेयर रु. ४ अर्ब ८४ करोड १४ लाख ७ हजार ७ सय २० मूल्यमा खरिद बिक्री भएको छ ।

नेप्सेका अनुसार विन नेपाल लघुवित्त ९ दशमलव ८५, बोटलर्स नेपाल बालाजु ५ दशमलव शून्य ६, एसबिएल डिवेञ्चर ५ दशमलव शून्य ५, एनआइसी एसिया डिवेञ्चर ४ दशमलव ५६ र एनएमबी डिवेञ्चरका लगानीकर्ताले ४ दशमलव शून्य ३ प्रतिशतले कमाएका छन् ।

ग्रीन भेञ्चर्स १०, दोर्दी खोला हाइड्रोपावर ७ दशमलव ६९, अपि पावर कम्पनी ७ दशमलव ४६, थ्री स्टार हाइड्रोपावर ६ दशमलव ७३ र इन्ग्वा हाइड्रोपावरका लगानीकर्ताले ६ दशमलव ६७ प्रतिशतले गुमाएका छन् ।