कासिन न्यूज, काठमाडौं ।
गोलबजार (सिरहा) – उद्योग वाणिज्य सङ्घ सिरहा सुखीपुर शाखाको ५औँ कार्यकालका लागि भएको चुनावमा अध्यक्षमा सूर्यनारायण यादव नेतृत्वको प्यानल नै निर्वाचित भएको छ ।

अध्यक्षमा निर्वाचित यादवले ६ सय ६४ मत प्राप्त गर्दा निकटतम प्रतिस्पर्धी विजयप्रसाद गुप्ताले ४ सय ९१ मत पाउनुभयो । यादव प्यानलबाट प्रथम उपाध्यक्षमा राकेश पूर्वेले ६ सय ७३, द्वितीय उपाध्यक्ष रामेशकुमार महतोले ५ सय ५६, महासचिवमा दिनेशकुमार यादवले ६ सय १०, सचिवमा सञ्जयकुमार यादवले ६ सय ३५ र कोषाध्यक्षमा रोशन कमारले ६ सय ७८ मत प्राप्त गरेर विजयी भएका प्रमुख निर्वाचन अधिकृत उद्धव हमालले जानकारी दिनुभयो ।

गुप्ता प्यानलबाट प्रथम उपाध्यक्षमा राधेश्याम महतोले ४ सय ७४, द्वितीय उपाध्यक्षमा ओमप्रकाश महतोले ४ सय ८६, महासचिवमा कामेश्वर चौधरी सुडीले ५ सय ३२, सचिवमा रतनेश चौधरीले ५ सय ६ र कोषाध्यक्षमा वीरेन्द्र भण्डारीले ५ सय ५८ मत प्राप्त गर्नुभयो ।

यस्तै सदस्यहरूमा काशिन्द्र यादव, राजदेव साह, पशुपति साह विजयी हुनुभएको छ । १ हजार ३ सय २५ मतदाता सङ्ख्या रहेकोमा शुक्रबार नयाँ नेतृत्व चयनका लागि भएको निर्वाचनमा १ हजार १६७ मत खसेका थिए भने ८ मत बदर भएका थिए ।