कासिन न्यूज, काठमाडौं ।
धितोपत्र बजारमा शेयर कारोबार मापक नेप्से परिसूचक ९ दशमलव १९ अङ्कले ओरालो लागेको छ । नेपाल स्टक एक्सचेञ्जका अनुसार नेप्से परिसूचक ओरालो लागेर २ हजार ६ सय १६ दशमलव ९५ मा सीमित भएको छ ।

ठूला कम्पनीको कारोबार मापन गर्ने सेन्सेटिभ परिसूचक ४ दशमलव ४५ अङ्कले ओरालो लागेर ४ सय ६९ दशमलव ८० मा सीमित भएको छ । कारोबार भएका १३ उपसमूहमध्ये ५ उपसमूहको शेयर मूल्य उकालो लाग्दा ८ उपसमूहको भने शेयर मूल्यमा गिरावट भएको छ ।

कूल १ करोड ११ लाख ३४ हजार १ सय ७८ कित्ता शेयर रु ४ अर्ब ७३ करोड २४ लाख ८७ हजार ८ सय ६४ मूल्यमा कारोबार भएको छ । नेप्सेका अनुसार लाइफ इन्स्योरेन्स, रिभर फल्स पावर, माई खोला हाइड्रोपावरको शेयर मूल्यमा १० प्रतिशतले वृद्धि भई सकारात्मक सर्किट लागेको छ ।

समृद्धि फाइनान्स ९ दशमलव ९९ र कालिञ्चोक दर्शनका लगानीकर्ताले ९ दशमलव ७७ प्रतिशतले कमाएका छन् । त्यस्तै, नेपाल एसबिआई बैंक ६ दशमलव ७९, प्राइम बैंक ४ दशमलव १७, रावा इनर्जी ४ दशमलव शून्य ३, आइसिएफसी फाइनान्स ३ दशमलव ८३ र ज्योति विकास बैंकको ऋणपत्रका लगानीकर्ताले ३ दशमलव ६७ प्रतिशतले गुमाएका छन् ।