कासिन न्यूज,
काठमाडौं ।
नेपालको राजनीति देखी हरेक कुरामा चासो राख्ने भारतीय बुद्धिजीवी एसडी मुनीले नेपालको राष्ट्रपतिको उम्मेदवारमा राष्ट्रिय सहमति खोज्नु राम्रो भएको बताएका छन् ।
भारतीय बुद्धिजीवी एसडी मुनीले ट्वीट गर्दै लेखेका छन्, ‘नेपालमा सर्वसम्मतीबाट नयाँ राष्ट्रपतिको माग जायज छ ।’ राष्ट्रपतिका लागि योग्य भनेर मुनीले देवेन्द्रराज पाण्डे, प्राध्यापक लोकराज बराल , दमननाथ ढुंगाना र अनुराधा कोइरालाको नाम समेत लिएका छन् ।

राष्ट्रपति निर्वाचनका लागि नेपालका राजनीतिक दलहरु उम्मेदवार चयनको कसरतमा सक्रिय भइरहेको बेला मुनीले राष्ट्रपतिका लागि योग्य भनेर चार जनाको नामसमेत उल्लेख गरेका छन् ।