एजेन्सी ।
दिल्ली शहरको मेयरमा आम आदमी पार्टीकी उम्मेदवार डा. शैली ओबराय निर्वाचित भएकी छिन् । भारतीय जनता पार्टी (बीजेपी)की उम्मेदवार रेखा गुप्तालाई पराजित गर्दै शैली मेयरमा निर्वाचित भएकी हुन् ।
मेयरको चुनावमा आम आदमीकी शैली ओबरायले १सय ५० मत पाइन् भने उनका प्रतिस्पर्धी विजेपीकी उम्मेदवार रेखा गुप्ताले १ सय १६ मत पाएको भारतीय सञ्चारमाध्यमहरुले जनाएका छन् ।
मेयरमा निर्वाचित भएपछि डा. शैली ओबरायले आफूले यो सदनलाई संवैधानिक तरिकाले चलाउने प्रतिक्रिया दिएकी छिन् । सदन चल्नमा जनताको साथ र सहयोग चाहिएको उनले आग्रह गरिन् ।