कासिन न्यूज,
काठमाडौं ।
कानुनी अड्चन हुने भएपछि विदेशमा हुने सिरिजका लागि नेपाल क्रिकेट संघ क्यानले सन्दीप लामिछानेलाई समावेश गरेन् ।
लामिछाने आईसीसी क्रिकेट विश्वकप लिग टुको युएईमा हुने खेल खेल्न नपाउने भएका छन् । क्यानले युएई जाने खेलाडीको लामिछानेको ठाउँमा प्रतिस जिसीलाई राखेको छ ।
नेपालले लिग टु अन्तर्गत १५ देखि २२ फागुनसम्म युएई र पपुवा न्युगिनीसँग खेल्दैछ । १५ गते पहिलो खेल पपुवा न्युगिनीसँग खेल्ने नेपाली टोली १३ गते नै युएई जाँदैछ ।
नाबालिग बलात्कारको आरोप लागेका सन्दीप लामिछानेको मुद्धा जिल्ला अदालत काठमाडौंमा विचाराधीन छ । उच्च अदालत पाटनले २० लाख रुपैयाँ धरौटीमा छाडेपछि क्यानले घरेलु मैदानमा भएको स्कटल्याण्ड र नामिबियाविरुद्धको खेलमा भने उनलाई टिममा राखेको थियो ।