कासिन न्यूज,
काठमाडौं ।
आफूहरूलाई पीडित कामदारको उद्धारक बताउने युट्युबर तथा अन्य केहीले विभागमा नाराबाजी गर्न थालेपछि वैदेशिक रोजगार विभागले कार्यालय प्रवेशमा कडाई गरेको छ । दैनिक काम कार्वाहीमा अवरोध भएको भन्दै विभागले सो कदम उठाएको विभागक निर्देशक कृष्णप्रसाद भुसालले प्रेस विज्ञप्ती मार्फत जानकारी दिएका छन् ।
विभाग कार्यालयभित्र नाराजुलुस गर्ने, अमर्यादित भाषाको प्रयोग गरी कार्यालयमा आतंक मच्चाउने र काम गर्ने वातावरण प्रभावित गर्नेलगायतका कार्यहरू बढ्दै गएको बताएका छन् ।
नेपाल वैदेशिक रोजगार व्यवसायी संघको विभाग हेर्ने समितिका संयोजक कर्णराज कटुवालले कानून हातमा लिने प्रवृत्तिको विरोधमा संघले निरन्तर आवाज उठाउँदै आइरहेको भन्दै अराजकता रोक्ने विभागको कदमलाई संघले उचित ठह¥याएको बताए ।