कासिन न्यूज,
काठमाडौं ।
राष्ट्रपतिको उम्मेदवारको प्रस्तावक र समर्थक टुंगो लगाउन आठ दलीय सत्ता गठबन्धनको बैठक शनिबार दिउँसो बस्दैछ ।

संघीय संसदको लोहत्से हलमा दिउँसो १ बजे बैठक बस्ने तय भएको नेपाली कांग्रेसका एक नेता कासिन न्यूजलाई बताए ।

नयाँ गठबन्धनले नेपाली कांग्रेसका उम्मेदवार बरिष्ठ नेता रामचन्द्र पौडेललाई राष्ट्रपतिमा समर्थन गर्ने निर्णय गरेको छ ।
शनिबार बिहान बसेको नेपाली कांग्रेसको कार्यसम्पादन समितिको बैठकले वरिष्ठ नेत रामचन्द्र पौडेललाई राष्ट्रपतिको उम्मेदवार बनाउने निर्णय गरेको छ ।

राष्ट्रपतिको चुनावसँगै सत्ता गठबन्धन बदलिएको छ । कांग्रेस, माओवादी, एकीकृत समाजवादी, जसपा, लोसपासहित ८ दलको नयाँ समीकरण बनेको छ ।
यसअघि सरकारमा रहेको राप्रपा बाहिरिएको छ । भने एमालेलगायतका दलहरूले भने औपचारिक निर्णय गरेका छैनन् ।