कासिन न्यूज,
जनकपुरधाम ।
आइतबार जिल्ला अदालत धनुषाबाट सात दिनको म्याद थप गरी इलाका प्रहरी कार्यालय फर्किदै गर्दा बलात्कार मुद्दामा पक्राउ परेका राजाबाबु मुखिया हतकडीसहित भागेका छन् ।
साँझ साढे ७ बजे यदुकुहास्थित कमला नहर नजिक भ्यानबाट हामफालेर भागेका उनी धनुषाको सबैला नगरपालिका वडा नम्बर–१३ किरतपुरका बासिन्दा हुन् ।
रातिदेखि नै उनको खोजी कार्य तीव्र पारिएको धनुषाका प्रहरी प्रवक्ता डिएसपी वेदप्रसाद गौतम बताए ।
गत माघ १५ गते इलाका प्रहरी कार्यालय सखुवा महेन्द्रनगरको हिरासत कक्ष फोडेर ६ जना थुनुवा फरार भएका थिए । उनीहरू मध्ये दुईजना अझै पक्राउ पर्न सकेका छैनन् ।