कासिन न्यूज,
काठमाडौं ।
उमेर नपुगेको युवतीलाई बलात्कार गरेको अभियोगमा थुनामा रहेका कलिवुडका नायक पल शाह ले सफाई पाएका छन् । उनर्ले पाएको पत्र तनहुँ कारागारको कार्यालय पुगेको छ ।
आइतबार उच्च अदालत पोखराले शाहलाई सफाइ दिएको थियो। अदालतको आदेश पत्र कार्यालय आइपुगेको र अबको आधा घण्टाभित्र शाहलाई रिहा गरिने जिल्ला कारागार तनहुँका जेलर नारायणप्रसाद अधिकारीले जानकारी दिए ।

पलका आफन्तलाई बोलाइएको र उनीहरू पुग्नेबित्तिकै जिम्मा लगाइने बताए । उच्च अदालत पोखराका न्यायाधीशहरु डिल्लीराज आचार्य र श्रीधराकुमारी पुडासैनीको इजलासले शाहलाई आइतबार सफाइ दिएको थियो।
यसअघि तनहुँ र नवलपुर अदालतले शाहलाई बलात्कार मुद्दामा सफाइ दिएका थिए। तर, नवलपुर जिल्ला अदालतले भने बाल यौन दुर्व्यवहारमा भने दोषी ठहर गर्दै साढे २ वर्ष कैदको सजाय सुनाएको थियो। तर, उच्चले बाल यौन दुर्व्यवहार मा समेत उनलाई सफाइ दिइएको हो ।