कासिन न्यूज,
काठमाडौं ।
खेलकुद क्षेत्रकोे सबैभन्दा बढि विवाद हुने संस्था भनेको फुटबल प्रेमीहरुको संस्था अखिल नेपाल फुटबल संघ (एन्फा) हो । एन्फाको बिगत देखी वर्तमान सम्मको अवस्था हेर्ने हो यो संस्था विवादको घेरामुनी नपरेको कार्यकाल कसैको पनि छैन् ।
नेपाली फुटबल संघका बादशाह भनेर चुनिएका गणेश थापाको कार्यकाल देखी विवादको घेराबन्दी पर्दै आएको फुटबल अहिले पंकजविक्रम नेम्वाङको नेतृत्वले पनि विवादको सामना गरिरहेको छ ।
अहिले संस्थापन र असन्तुष्ट पक्षबीच भएको विवादले हातहालाहालको स्थिती सृजना भएको छ । जसको कारणले टेबलको सिसा समेत फुटेको छ ।महासचिव किरण राई र कोषाध्यक्ष रविन्द्र जोशीको किस्सालाई लिएर अहिले विवाद उत्पन्न भएको हो भन्ने कुरा पनि अगाडी आएको छ । विवादको मुख्य बिषय भनेको नै यी दुईको बर्खास्ती हो एन्फा स्रोत बताउँछ ।
२१ सदस्यीय कार्यसमितिका १० सदस्यले यो कुरालाई मुख्य एजेण्डाको रुपमा उठाएका थिए ।

तर अध्यक्ष नेम्वाङले एजेण्डामा नराख्ने निर्णय गरे । कार्यसमितिको बुधबार सुरु भएको बैठकमा नेम्वाङले आफूले अध्यक्षको अधिकार प्रयोग गरेर यसलाई एजेण्डामा समावेश नगरेको बताएका थिए ।तर असन्तुष्ट पक्ष सहमत भएनन् । त्यसक्रममा उपाध्यक्षद्वय दीर्घबहादुर केसी र दावा लामा लगायतका बीचमा भनाभन भएको थियो । एक जनाले टेबल ठोक्दा सिसा नै फुटेको छ । ‘झण्डै हात हालाहालको अवस्था थियो,’ स्रोतले भन्छ ।
। असन्तुष्ट १२ जनामध्ये मनिष जोशी देश बाहिर छन् भने सरिला श्रेष्ठ संस्थापनतिर उभिएकी छन् । बैठकमा उपस्थितमध्ये १०-१० जना बाँडिएका छन् ।असन्तुष्ट पक्षको बैठकले अध्यक्ष अल्पमतमा परेको भन्दै बैठकको बैधानिकतामै प्रश्न उठाएका छन् । संस्थापन पक्षले भने अध्यक्ष नेम्वाङसहित १० जनाको सहमति भएको भन्दै बैठक चलाएका छन् ।