कासिन न्यूज,
काठमाडौं ।
प्रिमियर लिग प्रतिद्धन्द्धी वेस्ट ह्याम युनाइटेडमाथि पुनरागमन जित निकाल्दै म्यानचेस्टर युनाइटेड एफए कपको क्वाटरफाइनलमा प्रवेश गरेको छ । घरेलु मैदानमा एक गोलले पछि परेको स्थिति उल्ट्याएर युनाइटेडले वेस्ट ह्याम युनाइटेडमाथि ३–१ को पूनरागमन जित निकाल्दै अन्तिम आठमा पुग्न सफल भएको हो ।
ओल्ड ट्राफोर्डमा युनाइटेडको पुनरागमन जितमा एलेहान्द्रो गर्नाचो र फ्रेडले गोल गर्दा एक गोल उपहार पाएको थियो । वेस्ट ह्यामका सेड वेनरहमाको गोल सान्त्वना बन्यो ।
प्रतिस्पर्धात्मक खेलको ५४औं मिनेटमा वेनरहमाको गोलबाट युनाइटेड खेलमा पछि परेको थियो । उनल इमर्सनको पासमा गोल गर्न सफल भएका थिए ।

७७औं मिनेटमा नइफ एगर्डले आत्मघाती गोल गरेपटि युनाइटेड खेलमा फर्कियो । ९०औं मिनेटमा एलेहान्द्रो गर्नाचोले गोल गर्दै युनाइटेडलाई २–१ को अग्रता दिलाए । त्यसपछि इन्ज्युरी समयको थप गरिएको पाँचौ मिनेटमा फ्रेडले गोल गर्दै युनाइटेडलाई पूनरागमन जित दिलाए ।

अन्य नतिजा
बर्नलेविरुद्ध फ्लेटवुड (१–०)
सेफिल्डविरुद्ध टोटेनहम (१–०)