कासिन न्यूज,
काठमाडौं ।
काठमाडौं महानगरपालिका वडा नं ९ नेपाली कांग्रेस इकाई द्धारा फागुन २० गते बृहद सरसफाई एवं नेपाली कांग्रेस केएमसी०९ ई स्र्पोट्स टुर्नामेन्ट आयोजना हुने भएको छ । कांग्रेस ९ नं इकाई सभापति पुष्कर बास्ताकोटी भन्छन्, बृहद कार्यक्रम कांग्रेसको गतिशिलता र कार्यकर्ताहरुलाई एकबद्धता लागि गर्न लागिएको हो ।

देशमा ई स्र्पोट्स प्रति खेलाडी र यसका प्रेमीहरुको लगाव बढ्दै गएकोले वडामा पहिलो पटक ई स्र्पोट्स टुर्नामेन्ट गर्न लागेको जानकारी पनि सभापति बास्ताकोटीले दिए । कार्यक्रमको प्रमुख अतिथि कांग्रेसका महामन्त्री एवं प्रतिनिधि सभा सदस्य गगन थापा रहेको पनि आयोजक समितिले बतायो ।