कासिन न्यूज,
काठमाडौं ।
नेकपा एमालेका नेताहरु सुवासचन्द्र नेम्वाङसहित एमाले उपाध्यक्ष विष्णु पौडेल, उपमहासचिव पृथ्वीसुब्बा गुरुङ बिहीबार एकीकृत समाजवादीको कार्यालय, आलोकनगर पुगेर एकीकृत समाजवादीका अध्यक्ष माधवकुमार नेपालसहितका नेताहरुलाई भेटेरे राष्ट्रपति निर्वाचनमा नेम्वाङलाई मत दिन आग्रह गरेका छन् ।
भेटघाटका क्रममा नेताहरुले भने यो निर्वाचन दुई पार्टीको एकता अभियानलाई अगाडि बढाउन अवसर बन्न सक्ने एमाले नेताहरुको तर्क थियो । दुई पार्टीको एकता अभियानलाई अगाडि बढाउन जुन अवसर उपस्थित भएको छ, यसलाई अधिकतम रुपमा प्रयोग गर्नुपर्छ ।
एकीकृत समाजवादीका अध्यक्ष नेपालले भने यो भेटले सौहार्दपूर्ण सम्बन्ध विकास गर्ने आधार बनेको बताएका छन् । तर कांग्रेस उम्मेदवार रामचन्द्र पौडेलको प्रस्तावक भएकाले तत्काल यसो गर्छौं भन्ने परिस्थिति नभएको एकीकृत समाजवादीका उपमहासचिव एवं प्रचार विभाग प्रमुख जगन्नाथ खतिवडाले बताए ।