कासिन न्यूज,
काठमाडौं ।
साताको अन्तिम दिन शुक्रबार नेपाली बजारमा पहेँलो धातु (सुन)को मूल्यमा सामान्य बदली आएको छ । शुक्रबार सुनको मूल्य तोलामा १ सय रुपैयाँले घटेको नेपाल सुनचाँदी व्यवसायी महासंघले जनाएको छ ।
तोलामा १ सय रुपैयाँले घटेपछि शुक्रबार छापावाल सुनको मूल्य प्रतितोला १ लाख २ हजार ५ सय रुपैयाँ कायम भएको छ। यस्तै, तेजाबी सुनको मूल्य प्रतितोला १ लाख २ हजार रुपैयाँ कायम भएको छ।
यसअघि बिहीबार सुनको मूल्य तोलामा ३ सय रुपैयाँले बढेको थियो। बिहीबार छापावाल सुन प्रतितोला १ लाख २ हजार ६ सय र तेजाबी सुन प्रतितोला १ लाख २ हजार १ सय रुपैयाँमा बिक्री बितरण भएको थियो ।
शुक्रबार चाँदीको मूल्य पनि तोलामा १५ रुपैयाँले घटेर प्रतितोला १ हजार २ सय ६५ रुपैयाँ कायम भएको छ । बिहीबार भने चाँदी प्रतितोला १ हजार २ सय ७० रुपैयाँमा बिक्री बितरण भएको थियो ।