कासिन न्यूज,
काठमाडौं ।
बरिष्ठ गायक सीताराम पोखरेलले इजिप्टको राजधानी कायरोमा उत्कृष्ट गायकको अवार्ड जितेका छन् । उनको स्वरमा भर्खरै सार्वजनिक भएको ‘काँडा उमरियो’ गीतबाट उनी अवार्ड विजेता बनेका छन् ।
छोटो समयमै १२ लाखभन्दा बढी भ्युज पाएको गीत ‘काँडा उमरियो ’का लागि उत्कृष्ट गायक पोखरेललाई इजिप्टका लागि नेपाली राजदूत सुशील के लम्सालले अवार्ड दिएका हुन् ।

रेडियो नेपाल सञ्चालक समितिका सदस्य रहेका पोखरेलले कायरोको होटल स्विस आइएनएन नाइलमा आयोजित समारोहमा उक्त प्रतिष्ठित अवार्ड प्राप्त गर्न सफल भएका हुन् ।
नेपाली म्युजिक भिडियोको क्षेत्रमा विभिन्न भिडियोमार्फत दर्शकको मन जितेका गायक पोखरेल विभिन्न राष्ट्रिय तथा अन्तर्राष्ट्रिय अवार्डबाट सम्मानित भइसकेका छन् ।