कासिन न्यूज,
काठमाडौं ।
सात महिनाअघि रोमानिया गएका तनहुँ बन्दीपुर– ६, बाघखालका ३४ वर्षीय खोबिन्द्र गुरूङलाई पाँच महिनाअघि ब्लड क्यान्सरको संक्रमण देखिएको थियो । क्यान्सर रोगका कारण उपचारको क्रममा गत माघ २४ गते रोमानियामा उनको मृत्यु भयो ।
सिनामंगलस्थित अजित म्यानेजमेन्ट एण्ड डेभलपमेन्ट कम्पनी प्रा.लिबाट रोजगारीकोे लागि रोमानिया गएका गुरूङको मृत्यु भएपछि कम्पनीले कामदारको आश्रित परिवारलाई पाँच लाख रूपैयाँ सहयोग गरेको छ । गुरूङको उपचार खर्च भनेर कम्पनिले पहिले नै १ लाख दिइसकेको थियो ।
कम्पनीको सिनामंगलस्थित कार्यालयमा नेपाल वैदेशिक रोजगार व्यवसायी संघ कार्यसमिति सदस्य समेत रहेका कम्पनी सञ्चालक सूर्यकुमार श्रेष्ठले मृतककी श्रीमती डिना गुरूङलाई चार लाख रूपैयाँको चेक हस्तान्तरण गरे ।