कासिन न्यूज,
काठमाडौं ।

रेनु थापा म्यूजिक भिडियो र मोडलि»को क्षेत्रमा अहिले चर्र्चित नाम बन्न पुगेको छ । समय र यसको वेग सँगै आधुनिक नेपाली समाजमा भिज्न सक्नुपर्छ भन्ने मान्यता राख्ने रेनुको सानै देखीको सौख नै रहेछ मनोरञ्जनको क्षेत्रमा केही गर्छु भन्ने । त्यसैले उनले अन्य क्षेत्र भन्दा यही क्षेत्रलाई बढि मान्यता दिन थालिन र यसैमा भिज्न थालिन ।

आफूलाई एउटा अब्बल कलाकार बनाउने धुनमा लागेकी रेनु विभिन्न म्यूजिक भिडियो देखी सर्ट फिल्महरुमा आफनो अभिनय कला देखाई सकेकी रहेछिन् । ललितपुरको भैसेपाटीकी बासिन्दा रेनुले अभिनय गरेको वर्षा लाग्यो, चोखो माया र मैलै मुटु नामक म्यूजिक भिडियोहरु अहिले नेपाली मनोरञ्जनको बजारमा चर्चित छन् ।

मानवजातीहरुको बाँच्ने र कला देखाउने आफनै आधारहरु हुन्छन् भन्ने मान्यता राख्ने रेनुलाई कलाको क्षेत्रले सानै देखी आर्कषण गरेको रहेछ । भन्छिन् , त्यसैले त यो क्षेत्रमा मेहिनेत गरिरहेको छु ।